Tut quai che ti stos savair
Quant custa l'entrada per la «Notg lungia da las baselgias»?
Tuttas occurrenzas da la «Notg lunga da las baselgias» èn gratuitas ed i na vegn betg dumandà in daner d’entrada. En il medem mument munta quai ch’i na detti era betg in pussaivladad da reservar plazs. Sche Vus na vulais betg mancar in’occurrenza respectiv esser segirs d’in bun plaz, stuais far attenziun d’esser ad uras al lieu.
Nua datti bigliets per la «Notg lunga da las baselgias»?
Las occurrenzas da la «Notg lunga da las baselgias» èn gratuitas – ins na dovra nagin bigliet! Faschai p.pl. attenziun ch’i dat tar intginas occurrenzas, per motivs da segirezza, limitaziuns da visitaders. Sche Vus na vulais en scadin cas betg mancar in’occurrenza cun in bun plaz, As cussegliain nus d’esser ad uras al lieu.
Tgi organisescha la «Notg lunga da las baselgias»?
Inizià l’occurrenza han la Baselgia chantunala refurmada e catolica da l’Argovia. Damai èsi in project ecumen. Las plaivs e pravendas èn Svizra èn envidadas d’avrir las portas da lur baselgias e d’offerir a las visitadras ed als visitaders in program attractiv. Ellas sezzas èn respunsablas per quel. Tschients collavuraturas e collavuraturs, per gronda part voluntaris, investeschan bleras uras per organisar ina saira cun bleras impressiuns.
Nua e cura datti fegls u carnets da program?
Las purschidas da program da las singulas plaivs e pravendas chattais Vus en la paginas d’internet www.langenachtderkirchen.ch. Sch’in chantun fa sez in carnet dal program, chattais Vus quel sut «Programmhefte».
Co chat jau il program da mia plaiv/pravenda? Co pos jau tschertgar en la pagina d’internet?
I dat ina vasta funcziun da tschertgar, tenor ils chantuns, e supplementarmain porscha ina carta interactiva differents filters. Dal cuntegn spezific è la tschertga structurada tenor las suandantas categorias:
Meditaziuns & liturgias
Visitas guidadas & discurs
Per uffants e famiglias
Per giuvenils
Art & spectacul da glisch
Musica & film & teater
Silenzi & prelecziuns
Cura cumenza la «Notg lunga da las baselgias» – e cura finescha ella?
L’urari da la Notg lunga è per ordinari da las 18.10 enfin las 24.00. Ella cumenza cun ils suns dals zains, in tutgiez general, e chala per gronda part cun ina meditaziun, in punct final quiet. En cas excepziunals porschan singulas baselgias gia in program dal suentermezdi. Tut ils detagls latiers chattais Vus en la pagina d’internet, tar la tschertga da las occurrenzas da las singulas plaivs/pravendas.